Plantun de Prouvènço

Pèr coumpara dos planto d'encò nostre

Limonium bellidifolium & Chondrilla juncea

Limonium bellidifolium

Plumbaginaceae

Nom en français : Limonium à feuilles de pâquerette.

Descripcioun :
Aquesto saladello fai de mato au sòu d'ounte parton de cambo flourido. Li bratèio di flour soun escariouso e pas verdo eici. Coume lou noum lou dis, li fueio dounon d'èr à-n-aquéli de la margarideto. S'atrobo souvènt coutrìo l'engano-bouisounouso, Sarcocornia fruticosa. La planto èi marcado sus listo roujo categourìo CR, valènt-à-dire en dangié criti.

Usanço :
Poudèn pensa que li fueio soun manjadisso mai avèn pas d'entresigne segur. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : basalo
Tipe bioulougico : Camefite
Cicle bioulougico : Planto renadivo

Gènre : Limonium
Famiho : Plumbaginaceae

Ordre : Caryophyllales

Coulour de la flour :
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Sansouiro - Mar
Estànci :
Couroulougi : Pancaro entresigna
Ref. sc. : Limonium bellidifolium (Gouan) Dumort., 1827

Sauto-voulame

Chondrilla juncea

Asteraceae Compositae

Àutri noum : Cantoulamo, Mauguié, Sauto-mourre, Berenchié, Lachet.

Noms en français : Chondrille à tiges de jonc, Chondrille jonciforme.

Descripcioun :
Lou sauto-voulame es uno planto coumuno d'ermas. L'estiéu se recounèis à sa cambo redo que porto quàuqui fueio e de flour jauno coumpausado e pulèu longo. L'ivèr la rouseto rèsto contro lou sòu ; li fueio soun descoupado emé de tros en arc de ciéucle que parton vers lou cèntre de la rouseto. Ramentan qu'èi talamen duro qu'empachavo li meissounié de sega lou blad : "L'ourame te lou fasié fila de coustat. Resquihavo sus la tijo" (Louis Garcin in MADON O., op.cit.).

Usanço :
Es uno bono erbo de l'ensalado champanello que fau acampa quouro li fueio de la baso soun pancaro secarouso. Se soubro la tijo de l'an davans, sara eisa de la recounèisse (fotò).

Port : Grando erbo
Taio : 0,3 à 1,2 m
Fueio : basalo
Tipe bioulougico : Emicriptoufite
Cicle bioulougico : Planto renadivo

Gènre : Chondrilla
Famiho : Asteraceae
Famiho classico : Compositae
Tribu : Cichorieae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 1,5 cm
Flourido : Printèms - Estiéu

Sòu : Ca
Autour basso e auto : 0 à 1700 m
Aparado : Noun
Remarco : Ensalado champanello
Juliet à óutobre

Liò : Champ - Ermas - Camin
Estànci : Termoumediterran à Coulinen
Couroulougi : Éurasiatico-Cèntre-Ouèst
Ref. sc. : Chondrilla juncea L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

Limonium bellidifolium & Chondrilla juncea

ges

Coumpara Saladello(-di-fueio-de-margarideto) emé uno autro planto

Coumpara Sauto-voulame emé uno autro planto